بسطيله الدجاج لكن بنكهة الحوت اتفضلو تعرفو سرها

Admin عدد المساهمات : 2755 تاريخ التسجيل : 18/04/2009

هادي بسطيله بالدجاج و لا داند و لكن بنكهة الحوت
فالحقيقه انا كنت كنحضر البسطيلة دالحوت بالكروفيت و الكلمار و الحوت الابيض
و لكن كيما كتعرفو كاملين أسعار الحوت طلعات للسما و منكذبوش على بعضنا
أصبح من الصعب على الواحد يحضر بسطيلة بحجم عائلي (8/10 أشخاص) و تكون كلها بالسمك
لأنها غادي تقام بأكثر من 300 درهم و بزاف طبق واحد يكلفنا هاد المبلغ كلو
قبل كنت كندير هاد الطريقه يعني بالدجاج و لكن كندير معاها واحد الكيلو دالكروفيت
فاش كان ثمنه يتراوح بين 60/70 درهم ولكن دابا فاش وصل 120 درهم ... كملو من عندكم بلا منهدر

المهم ندخلو للمفيد
هاد البسطيله اللي غادي نوريكم كتجي فيها نسمة الحوت قويه
و اللي ذاقها ميقولش بالمره أن العنصر الغالب فيها هو الدجاج

أنا غادي نعطيكم هاد المقادير عمرت بهم 3 بسطيلات كبار
و انتوما قسمو المقادير حسب حاجتكم

ـ تقريبا 3 كيلو صدر لاداند ( انا استعملت 1.5 كيلو صدر + دجاجه تقريبا وزنها كيلو و نص )
(لاداند كيدير فمحلات كتبيه 58 درهم و عند الجزار 60 درهم )
نسلقوهم فالماء منسم بالقرفه عواد+ القرنفل+ حبات الهيل +3 ضروس ثوم+ وريقات سيدنا موسى
ثم نفتتهم الى قطع صغيره و نحتفظ به
ـ علبه كبيره (او زوج متوسطين )شومبينيون (العلبه الكبيره بين 17/15 درهم و المتوسطه بين 10/8 درهم )
ـ كيلو بصل
ـ 6او 7 ضروس ثوم
ـ نصف كيلو جزر
ـ كيس و نص شعريه صينيه (انا استعملت الكيس الكبير درابعه + كيس صغير)
ـ تقريبا 15 درهم موزريلا
ـ صبيعات السوريمي ( 35 درهم)
ـ سوريمي بنكهة الكروفيت ( 33 درهم)
ـ و سر نكهة السمك غادي نوريه لكم من بعد ثمن الواحد 6.50 درهم
ـ 3 معالق كبيره مطيشه دالحك
ـ الهريسه
ـ وريقات سيدنا موسى و توابل (ملح /ابزار ابيض/ تحميرة )
ـ زيت زيتون
ـ معدنوس / الحامض أخضر
ـ و الكاشير و مورتديلا بروفنسال (اختياري ) انا درتها غير حيث البروفنسال فيها نكهة الفلفه قويه
و انا ما لقيتش الفلفله الحمراء موجوده

بسطيله الدجاج لكن بنكهة الحوت اتفضلو تعرفو سرها Dsc00575copy

نشلظ البصله و نضيف عليها الثومه مدقوقه و وريقات سيدنا موسى و نشحرهم فشويه دزيت الزيتون
حتى طلق البصله الماء ديالها و تنشف و نحتفظ بها على جنب

بسطيله الدجاج لكن بنكهة الحوت اتفضلو تعرفو سرها Dsc00572copy

نشحر الشومبينون + المعدنوس مقطع فشوية زيت زيتون
و نحتفظ به جانبا

بسطيله الدجاج لكن بنكهة الحوت اتفضلو تعرفو سرها Dsc00577copy

نحك الجزر غليظ و نشحرو فشوية زيت زيتون و نحتفظ به

هاد المراحل كلها ديال تحضير الخضر و الدجاج كنديرها ليلة قبل باش نكسب الوقت

بسطيله الدجاج لكن بنكهة الحوت اتفضلو تعرفو سرها Dsc00576copy

كنقطع صبيعات السوريمي شرائح
و سوريمي الكروفيت مكعبات (قطعتو كلو)
و المورتديلا و الكاشير (قطعت غير شويه منهم ماشي البودان كلو )
و هادشي ما يتقطع حتى تبغيو تخلطو كلشي

بسطيله الدجاج لكن بنكهة الحوت اتفضلو تعرفو سرها Dsc00580copy

و هذا هو سر النكهه ديال الحوت
شوربة السمك ايديال

بسطيله الدجاج لكن بنكهة الحوت اتفضلو تعرفو سرها Dsc00581copy

كنغربلها باش نفرق الشعريه على البودره
و نالبودره هي باش نبقى نتبل كلشي
استعملت هنا 2 أكياس

بسطيله الدجاج لكن بنكهة الحوت اتفضلو تعرفو سرها Dsc00582copy

ناخد 4 معالق من البودره ديال السمك + ربع كمية من البصله و نضيف عليها شوية زيت زيتون و ابزار ابيض و الهريسه

بسطيله الدجاج لكن بنكهة الحوت اتفضلو تعرفو سرها Dsc00583copy

و نبدا نخلط الشعريه الصينيه اللي طلقناها شي دقايق فالماء غليان + وريقات سيدنا موسى
و نقطعها باش متبقاش طويله و مخبله

بسطيله الدجاج لكن بنكهة الحوت اتفضلو تعرفو سرها Dsc00584copy

نخلط باقي بودرة السمك (و نخلي شي 2 معالق)مع شوية زيت زيتون+ الهريسه + التحميرة + الابزار الابيض +الملح (ضروري ما ذوقو لا تجي مالحه بزااف )
نخلط كلشي مزيان

يتبع..

Admin عدد المساهمات : 2755 تاريخ التسجيل : 18/04/2009

بسطيله الدجاج لكن بنكهة الحوت اتفضلو تعرفو سرها Dsc00585copy

و كنبدا نخلط بهاد التتبيله جميع العناصر اللي شحرنا قبل و احتفظنا بها
حتى كيتخلط كلشي مزيان

بسطيله الدجاج لكن بنكهة الحوت اتفضلو تعرفو سرها Dsc00586copy

ـ 3 معالق كبيره مطيشه دالحك + الهريسه +زيت الزيتون +المعالق الي احتفظنا بها د بودرة السمك
نسخنهم فوق النار غير شي 3 دقايق حتى يتجانس كلشي و نضيفها على باقي عناصر الحشوة

بسطيله الدجاج لكن بنكهة الحوت اتفضلو تعرفو سرها Dsc00588copym

نضيف الكاشير و المورتديلا المقطعين + المعدنوس + الموزريلا
و نخلط مزياااااااااااااااااااااااااااااان

بسطيله الدجاج لكن بنكهة الحوت اتفضلو تعرفو سرها Dsc00589copy

و نبدا نطوي البسطيله عادي
كلشي عارف الطريقه ما تحتاجش الشرح

بسطيله الدجاج لكن بنكهة الحوت اتفضلو تعرفو سرها Dsc00590copy

نفرش نصف الحشوة و نفرق نوعي السوريمي
و عاد باش نغطي بالحشوة ثاني

بسطيله الدجاج لكن بنكهة الحوت اتفضلو تعرفو سرها Dsc00591copy

هاد المقادير عطاتني 3 البسطيلات من الحجم الكبير
ندهنو عاود الوجه بالزبده و ندخلوها للفرن حتى يتحمر الوجه

بسطيله الدجاج لكن بنكهة الحوت اتفضلو تعرفو سرها Dsc00593copy

منين نبغيو نقدموها نرشو الوجه بالفرماج الاحمر محكوك رقيق
الى كانت عاد خارجه من الفرن كيدوب ديك الساعه اما الى كانت بارده طبعا كدخلوها
لفرن ساخن حتى يدوب شويه
و نزين حسب الذوق

بسطيله الدجاج لكن بنكهة الحوت اتفضلو تعرفو سرها Dsc00596copy

بسطيله الدجاج لكن بنكهة الحوت اتفضلو تعرفو سرها Dscn0284copy

هذا الشكل النهائي
أتمنى تجربوها لأنها تستحق فعلا
و فوق هادشي كتقام رخيصه هادو تقريبا كلفونا 300 درهم .....

بسطيله الدجاج لكن بنكهة الحوت اتفضلو تعرفو سرها Dsc00594copy

كيما سبق و قلت احنا كنديرو فطور و عشا
فقدمتها على الفطور مع شوربة الخضر و سلطه خضراء
و ملاوي و بتي بان و ملاوي الخليع و مخيمرات معمرين ...

في أمان الله

google_protectAndRun("ads_core.google_render_ad", google_handleError, google_render_ad);
</BLOCKQUOTE>

» عمركوم جربتو طيبو الدجاج بطريقة الحوت؟
» البودينغ بنكهة الكاراميل
» الخبز الإسباني بنكهة الشوكولاتة
» حساء البروكولي والكوسا بنكهة البندق
» الدجاج بالحمص