المقادير والطريقة مع بعض
تجيبين فيليه سمك يفضل يكون رفيع >انا استخدم سمك تالابيا<وتدهنينه من الجهتين بزيت زيتون وترشين عليه ملح وفلفل اسود
وتدخلينه الفرن الى ما ينضج..كذا خلصنا السمك وهذا شكله
نجي للصوص
جيبي طماطم واشويه بالفرن الى ماتبدا تسود قشرته ويصير مره طري..خذيه وافرميه زين
يصير زي كذا
في صاج على النار احمسي بصل مفروم وثوم الى مايبدا البصل يشقر بعدين حطي الطماطم المشويه عليه وماجي وزيتون اخضر اللي يجي محشي تكونين مقطعته واضيفي له شوي مويه وخليه يطبخ شوي وطفي النار بس لاتنشف المويه مره
صفي السمك في صحن التقديم ووزع عليه الصوص
