فالكوكوط او طنجرة درت اللحم تقريبا كيلو مع الما قليل و ضفت العطرية : نصف معلقة صغيرة من سكين جبير و الابزار و وشوية ديال الزعفران و الملح
ثم ضفت الزيت مخلطة ومعلقة كبيرة سمن
ثم شلذت تقريبا 3 بصلات كبار مع 3 ريوس تومة
ثم كنضيفهوم للحم و نخلي كلشي يتشحر مزيان مزيان
من بعد كنضيف الما حتى يتغطى اللحم
ثم كنضيف قبيطة ديال القسبور وكنسد على اللحم حتى يطيب مزيان
وهاهو اللحم ملي وجد
كنحدي اللحم و نخلي المرقة ادغمر و تتحمر
من بعد خديت اللحم و ستفتو فالطبسيل
و كنضيف الدغميرة على اللحم و كندير اللوز محمر و البيض مقصوم على 2
وهدا كان عشاتي فرمضان