موضوع: اللحم بالقرعة السلاوية لذيذ السبت أغسطس 28, 2010 8:38 am
فالكوكوط درت اللحم و الما ثم ضفت العطرية : شوية من الابزار و سكين جبير و الزعفران و الملح و خلطت كلشي غير بدى يغلي اللحم ضفت الزيت مخلطة غير شوية ثم قطعت بصلة و التومة و مطيشة
ضفت البصلة و التومة غلاو مع اللحم عاد ضفت مطيشة و خلطت كلشي و سديت على اللحم يطيب
خديت القرعة السلاوية نقيتها بحال خيزو بموس مسنن و قطعتها و طراف
من بعد مطاب اللحم ضفت ليه القسبور و معدنوس و القسبور بزايد
ثم ضفت القرعة و خاص المرقة تكون قليلة لان القرعة مكتبغيش الما باش متجيش باسلة وسديت عليها غير شوية حتى طابت
وطيبت الملوخية على جنب بمريقة اللحم و درتها من الفوق جا طاجين معتبر على حسابي راجلي مكيحملش القرعة و هادي تخاطفنا عليها
