السلام عليكم ورحمةالله وبركاته
حوت مقلي وسلطة الروز وبوزروك من اختراعي ههه
اليوم بغيت نشارك معاكم عشاتي بسلطة الروز ببوزروك اللي مكنتش كنضن غطلع لديدة الخاصة بي مع طبسيل حوت مقلي
نخليكم مع الصور والشرح
ناخدو البوزروك ونغسلوه مزيان ونخلوه جانبا على حسب الرملة حيث انا كان عندي FRAIS من البحر مشريتوش
في طنجرة نديرو التوابل اللي متوفرة عندنا والابزار من الاحسن تطحنوه ديك الساع بديك الالة اليدوبة باش يعطي نسمتو
قزبر ومعدنوس ضويمة ديال التومة
ونحكو في الحكاكة بصلة متوسطة ومطيشة صغيرة
نشدو زلافة ونص دالروزنشحروه في الزبدة كثيرة شوية مع مليحة وشوية ابزار حتا يبان لينا تشحر ولونو كيحمار انا ضفت ليه شوي مكاروني
من بعد ما تشحر كنضيفو ليه الماء حتا يتغطا ونخلوه يتسلق غي حتا ينشف داك الما اياكم يتعجن ولكن اصلا راه ماشي داك الروز الابيض استعملو هداك ديال الفوار
ملي نطفو على الروز نديرو ديك الطنجرة حتا هي فوق العافية مهيلة حتا تبان لينا البصلة دبالت والخليط والماء نشف انا استغليت ديك الشرمولة ديال الحوت حيت كان مشرمل وكبيتها عليه باش ننسمو
المهم انا خليتها على نار مهيلة تتشحر ودزت لقليان الحوت
على فكرة هاد الحوت حتا هوا FRAIS بابا الله يخليه لينا هو اللي اصطادو
الشرمولة هي المعتادة ديال الحوت
عصير الحامض او الخل
القزبر زمعدنوس والتوابل ومن الاحسن يدار في التلاجه يشرب مزيان
وهادي طريقتي في القلي
المهم الطنجرة نقص نزيد ليها بزروك والقدر الكافي ديال الما باش يطيب فيه
ملي نحس بيه قرب يطيب نرمي الفلفلة الخضرا الحلوة مقطعة طراف لانها دغيا كدوب
وشوية بما داك الماء ينقص بزاف نطفي عليها
ملي نقدم الطبلة نمزج الروز مع صلصة بزوك وها السلطة واجدة طعععععععععم امممممممم وهادي هو التقديم ديال عشاتي اللهم ادمها نعمة واحفضها من الزوال
