صينية الكفته بالبطاطا و الطماطم (اقتصاديه و كتشبع )

انا غادي نعطيكم ان شاء الله المقادير اللي فالصورة
ولكن بالعاده راني كندير اقل منها (بالنسبه لينا 6 الناس ما شاء الله
مكنتعداش 250 غرام كفته )
500 غرام كفته (انا هنا استعملت ديال بيبي ) + بصله متوسطه مشلظه
رقيقه + الربيع مقطع + 2 ضروس ثوم + التوابل (حسب ذوقكم انا زدت واحد الشويه دالقرفه كتعجبني )و الملح يكون زايد شويه على حساب البطاطا اللي غادي تزاد
4 بطاطات متوسطه مسلوقه و مطحونه + معلقه كبيرة زبده
4 بطاطات متوسطه مقطعه دوائر
2 طماطم مقطعه على شكل دوائر
1 طماطم مطحونه + معلقه كبيرة مركز طماطم مطلوق مع نصف كاس
صغير ماء
ضامة البنه (بقري)



كنخلطو الكفته مع البطاطا المطحونه و نعجنوها مزيان حتى تنسجم كل العناصر



كناخدو صينيه (انا خديت اكبر وحده فيهم ) و نفرشو البطاطا المقطعه دوائر
و نفرتو نصف ضامه دالبنه من فوقها



و نسقيوها بثلثي الصلصه دالطماطم


<BLOCKQUOTE class="postcontent restore "></BLOCKQUOTE>