طريقة عمل وطبخ الترمس بالصور

Admin عدد المساهمات : 2755 تاريخ التسجيل : 18/04/2009

طريقة عمل وطبخ الترمس بالصور

اليوم جيبالكم مش اكلة ولا طبخة

هو شئ من المقبلات او المسليات او التسالي زي الب او الفصفص او الفول السوداني

هو الترمس

بكسر التاء مش بضمها

يعني مش الترمس الخاص بالشاي والقهوة

واحنا عندنا بمصر الترمس من الاساسيات في الصيف والاعياد

ياسلام علي الترمس وانت بتتمشي علي كرنيش النيل ولا كورنيش اسكندرية

في الصيف باليمون والملح وفي الجنينة ياسلام روعة

المهم

اولا احنا بنشترية من عند العطار او من السوبر ماركت

يعني انا شرياه من كارفور بيكون معبأ في اكياس الكيس حوالي كيلو

بتلقية في منطقة التوابل

او اسألي علية البائع اللي بيبع التوابل في السوبر ماركت

وعلي فكرة في منه الحلو والمر

بس هنا انا لقيت الحلو وده بيتاكل على طول بعد السلق

اما المر لازم غيري علية يومين او تلاتة بعد السلق

والمر مفيد جدا لمرضي السكر

اولا بنجيب الترمس وننقية ونغسلة

وبعدين ننقعة ليلة كاملة يعني من بليل للصبح

ودي الصورة

وفي الصبح هتلقية زاد الضعف او اكتر

يعني لو كيلو هتلقيه حوالي 2 كيلو

ودي الصورة بعد ماتنقع ليلة كاملة

وعلي فكرة لازم لازم يتنقع ليلة

علشان ما يغبش في السلق يعني لو منقعتهوش ممكن يقعد طول اليوم يتسلق

وبعدين في الصبح بنغير المية وبعدين نحطة في حلة ونسلقه علي النار

حوالي ساعتين او ساعتين الا ربع وممكن اقل

يعني كل شوية شوفية وطلعي حبة واتفحصيها لو استوت يبقي خلاص

اطفي علية النار

ودي صورتة بعد ما استوي

وبعدين لما يبرد غيري علية المية

وعلي فكرة ماترميش ماية السلق حلوة قوي للشعر

اغسلي بها شعرك ممتاز

وحطي علية ماح وكمون وليمون

وممكن تحطي علية ماية وملح وتحفظية في التلاجة بيقعد فترة كبيرة

» طريقة عمل الحواوشي بالصور
» طريقة كبة التوست بالفلافل بالصور
» طريقة عمل الغريبة من مطبخي بالصور
» طريقة عمل جبنـية رمضان بالصور
» طريقة عمل السوشي الياباني (بالصور)